Bu gün sumqayıtlı şəhidin doğum günüdür.
Vüsal Allahyarov 1988-ci il aprelin 22-də Sumqayıt şəhərində anadan olub. Sumqayıt şəhər 9 saylı orta məktəbdə təhsil alıb. Evli idi, 2 övladı yadigar qalıb.
Azərbaycanın Daxili İşlər Nazirliyinin Daxili Qoşunlarının baş çavuşu olan Vüsal Allahyarov 2020-ci il sentyabrın 27-də başlanan Vətən müharibəsi zamanı Füzulinin və Şuşanın azadlığı uğrunda gedən döyüşlərdə savaşıb. Noyabrın 7-də Şuşa döyüşləri zamanı şəhid olub. Sumqayıtda, Şəhidlər Xiyabanında dəfn olunub.
Prezident İlham Əliyevin Sərəncamlarına əsasən, Vüsal Allahyarov ölümündən sonra "Qarabağ" ordeni, "Vətən uğrunda", "Füzulinin azad olunmasına görə", "Şuşanın azad olunmasına görə" medalları ilə təltif edilib.
