Sumqayıtlı şəhid Elçin Cəbrayılovun doğum günüdür.
O, 10 yanvar 1982-ci ildə anadan olub. Sumqayıt şəhəri 23 saylı tam orta məktəbdə təhsil alıb.
Azərbaycan Ordusunun kiçik çavuşu olan Elçin Cəbrayılov 2020-ci il sentyabrın 27-də başlayan Vətən müharibəsi zamanı Ermənistanın işğalı altında olan ərazilərin azad edilməsi uğrunda gedən döyüşlərdə iştirak edib. O, Hadrut qəsəbəsi və Füzuli rayonu istiqamətində aparılan döyüşlərdə qəhrəmanlıqla vuruşub.
Elçin Cəbrayılov 2020-ci il oktyabrın 21-də Füzuli döyüşləri zamanı şəhid olub. Nəşi Sumqayıt şəhərinin Şəhidlər Xiyabanında torpağa tapşırılıb.
Vətən qarşısında göstərdiyi şücaətə görə Elçin Cəbrayılov Azərbaycan Prezidenti İlham Əliyevin Sərəncamları ilə ölümündən sonra "Vətən uğrunda" və "Füzulinin azad olunmasına görə" medalları ilə təltif edilib.
Şəhidimiz ailəli idi. Nərmin və Damla adlı iki qızı Vətənə əmanət qalıb. Onun əziz xatirəsi xalqımızın qəlbində daim yaşayacaq.
