Dələduzluqda təqsirləndirilən Vaqif Həsənovun (şərti) cinayət işi üzrə məhkəmə istintaqı başa çatıb. Sumqayıt24 bu barədə 10 yanvar tarixində Pravda.az-a istinadən xəbər verir.
Sumqayıt Ağır Cinayətlər Məhkəməsində hakim Fikrət Əliyevin sədrliyi ilə keçirilən prosesdə hökm oxunub. Hökmə əsasən o, 7 il müddətinə azadlıqdan məhrum edilib.
İttihama görə, Vaqif Həsənov Sumqayıtda iki vətəndaşın etibarından istifadə edərək onların ümumilikdə 198.900 manat pulunu dələduzluq yolu ilə ələ keçirib.
Belə ki, ev alqı-satqısı (“makler”) ilə məşğul olan təqsirləndirilən şəxs təmirsiz evləri alıb təmir etdirib, satırmış. Vaqif həmin şəxslərdən də bu yolla pul alaraq qazanc əldə edəcəkləri vədini verib. Daha sonra o, verdiyi vədə əməl etməyib və zərərçəkmişlərin şikayəti əsasında saxlanılıb.
