İqtisadiyyat Nazirliyi yanında Sahibkarlığın İnkişafı Fondunun (SİF) idarə heyətinə (İH) sədr təyin edilib. Bu barədə 21 noyabr tarixində Oxu.az-a istinadən xəbər veririk.
İqtisadiyyat naziri Mikayıl Cabbarovun əmri ilə sözügedən vəzifə Osman Xaliyevə həvalə olunub. O, 2020-ci ilin noyabrından İH sədrinin müşaviri, 2021-ci ilin iyun ayından Sahibkarlığın İnkişafı Fondunun İH sədrinin müavini vəzifəsini, 2021-ci ilin avqust ayının 13-dən sədrinin vəzifələrini icra edib.
Osman Xaliyev 1985-ci ildə Sumqayıt şəhərində anadan olub. İqtisad Universitetində bakalavr və magistr pillələrini bitirib.
Daha sonra ABŞ-ın Brandeis Universitetində təhsil alan sədr, 2010-2011-ci illərdə “Access Bank” QSC-də əməliyyatlar üzrə mütəxəssis, 2011-2012-ci illərdə Azərbaycan Respublikasının Mərkəzi Bankında mütəxəssis olaraq fəaliyyət göstərib.
Həmçinin 2014-2015-ci illərdə ABŞ-ın Boston şəhərində yerləşən “Global Atlantic Partners LLC” şirkətində məsləhətçi vəzifəsində çalışıb. 2016-2020-ci illərdə kənd təsərrüfatı və qida sənayesi sahələrində fəaliyyət göstərən bir sıra şirkətlərdə menecer və direktor vəzifələrini icra edib.
Ailəlidir, 1 övladı var.
