Bakı–Sumqayıt ekspres qatarında işıq problemi yaşanıb.
Sumqayit24.az-a müraciət edən sərnişin bildirib ki, dünən axşam saat 18:05-də Bakıdan Sumqayıta yola düşən ekspres qatarın vaqonlarında göz-gözü görmürdü. Salonun tam qaranlığa bürünməsi sərnişinlər arasında narahatlıq yaradıb.
Onun sözlərinə görə, vaqonun texniki vəziyyəti ciddi suallar doğurur və normal texniki baxışdan keçməyən vaqonun xəttə buraxılması yolverilməzdir. O, əyləclər və təkərlərin də işıq sistemi kimi yoxlanılmasından narahatlığını ifadə edib.
Məsələ ilə bağlı "Azərbaycan Dəmir Yolları" QSC-yə sorğu ünvanlanıb.
