Sumqayıtda oğurluq etməkdə şübhəli bilinən şəxslər saxlanılıb.
Sumqayit24.az xəbər verir ki, bu barədə Daxili İşlər Nazirliyinin (DİN) Mətbuat Xidməti məlumat yayıb.
Polis əməkdaşlarının həyata keçirdiyi əməliyyat zamanı əvvəllər məhkum olunmuş şəxslər - Əvəz Cəfərov və Sürəyya Balayeva saxlanılıblar. Onlar evlərin birindən 1200 manat dəyərində təmir alətləri, inşaat materialları, eləcə də şəhər ərazisində yerləşən ticarət mərkəzlərinin birində qadının gödəkcəsindən 7320 manat oğurlayıblar.
Faktla bağlı araşdırma aparılır.
