Sumqayıtda məhəllə komitələrinin hesabat-seçki tədbirlərinə start verilib. Bu haqda 8 noyabr tarixində DünyaTV-yə istinadən xəbər veririk.
Yığıncaq Kimyaçılar qəsəbəsi, “Maralgöl” adlanan ərazidə təşkil olunub. 1 saylı məhəllə komitəsinin sədri Solmaz Zeynəbdinovanın hesabatı dinlənilib. O, şəhid ailələri və qazilərə göstərilən qayğıdan, yolların bərpası, yay məktəbinin, ingilis dili və kompüter kurslarının təşkilindən və s. danışıb.
Bələdiyyənin sədr müavini Nərmin Mehdiyeva öz çıxışında 8 Noyabr - Zəfər Günü və 9 Noyabr - Bayraq Günü münasibətilə tədbir iştirakçılarını təbrik edib və bildirib ki, bələdiyyə qulluqçuları 49, 52, 50-53, 76-cı məhəllələrdə, eləcə də 16-cı mikrorayon ərazisində yığıncaqlar təşkil ediblər. Sakinlərin səsləndirdikləri problemlər dinlənilib, bir qismi yerindəcə həll edilib.
Sonda fərqlənən vətəndaşlar təltif olunublar.
