Sumqayıtda şəhid ailəsi ziyarət edilib. Bu haqda 9 fevral tarixində Sumqayıt24 Regional Mədəniyyət İdarəsinə istinadən xəbər verir.
S. Vurğun adına Mərkəzi Kitabxananın Uşaq şöbəsinin əməkdaşları Azərbaycanın Milli Qəhrəmanı şəhid Şükür Həmidovun ana və atasını ziyarət ediblər. Görüş zamanı şəhidimizin əziz xatirəsi anılıb, onun keçdiyi yolun qəhrəmanlıq səhifələri vərəqlənib.
Şükür Həmidov ölümündən sonra “Zəfər” ordeni, “Vətən uğrunda”, “Füzulinin azad olunmasına görə”, “Cəbrayılın azad olunmasına görə” və “Qubadlının azad olunmasına görə” medalları ilə təltif olunub.
