Rusiya Prezidentinin mətbuat katibi Dmitri Peskov Aktaudakı aviaqəzadan danışıb.
Sumqayit24.az "İnterfaks"a istinadən xəbər verir ki, Peskov Moskvada keçirilən brifinqdə təyyarənin atəşə tutulması barədə məlumatlara Kremlin münasibətinə dair jurnalistlərin sualını cavablandırıb.
O, Kremlin istintaq başa çatana qədər AZAL-a məxsus təyyarənin Qazaxıstanda qəzaya uğraması səbəbləri barədə fərziyyələr irəli sürməyi düzgün hesab etmədiyini bildirib:
"İstintaqın nəticələrinə qədər hər hansı fərziyyə irəli sürmək düzgün olmazdı. Əlbəttə ki, biz bunu etməyəcəyik və heç kim də bunu etməməlidir. İstintaqın başa çatmasını gözləmək lazımdır".
