Növbədənkənar parlament seçkilərində 42 saylı Sumqayıt birinci seçki dairəsinin qalib namizədi Hicran Hüseynova istifadə etdiyi əl çantası sosial şəbəkələrdə müzakirələrə səbəb olub.
Hüseynovanın çantasının qiyməti endirimlə 6032 dollardır. Bu isə təqribən 10.000 manat edir. Musavat.com bununla bağlı Hicran Hüseynova ilə əlaqə saxlayıb. O, yayılan məlumatları təkzib edib:
“Həmin çantanı Çindən gətirtmişəm. Orada çox ucuzdur. Mən heç vaxt baha heç nə almamışam. İkinci də, bu, kimin axmaq ağlına gəlir... Əşi yaxşı, mən belə şeyləri müzakirə etmək istəmirəm”.
Qeyd edək ki, Hicran Hüseynova sentyabrın 1-də Milli Məclisə keçirilən seçkilərdə 76.6% səs toplayıb.
O, Milli Məclisin Ailə, qadın və uşaq məsələləri komitəsinin sədri olub. Azərbaycan Milli Məclisinin VI çağırış üzvü seçilib.
