Sumqayıt Dövlət Dram Teatrında çalışmış tanınmış Xalq artisti Valeh Kərimovun işdən çıxarılmasına aydınlıq gətirilib. Sumqayıt24 bu haqda 9 dekabr tarixində Report.az-a istinadən xəbər verir.
Mədəniyyət Nazirliyindən bildirilib ki, qanunvericilikdə 65 yaşına çatmış şəxslərin təqaüdə çıxması nəzərdə tutulur. Mədəniyyət, elm, təhsil kimi sahələrdə çalışanlarla bağlı istisna halları mövcuddur. Məsələn elmi və fəxri adları olan şəxslər bəzən 75 yaşına qədər çalışa bilərlər. Bu məsələ həmin şəxsin işlədiyi müəssisənin səlahiyyətindədir:
“Lakin qanunvericilikdə göstərilir ki, bir müəssisədə yaşı 65-i ötən əməkdaşların sayı orada çalışan əməkdaşların sayının 2%-ni təşkil etməlidir. İmkan daxilində biz həm gənclərin işlə təmin olunmasına, gənclərə meydan verilməsinə, həm də qocaman sənətkarlarımızın uzunillik təcrübəsindən faydalanmağa çalışırıq".
Qeyd edək ki, teatrşünas-alim, professor İlham Rəhimli teatrlarda pensiya yaşını keçən sənətkarların ya işdən çıxarıldığını, ya da işəmuzd işlədiyini bildirib.
