Bakı-Sumqayıt şosesində avtobus dayanacağı qəzalı vəziyyətdədir.
Sumqayit24.az xəbər verir ki, avtobus dayanacağı yolun “SOCAR” yanacaqdoldurma məntəqəsinin yaxınlığında yerləşir. Sakinlər bildiriblər ki, sözügedən hal yol-nəqliyyat hadisəsindən sonra yaranıb:
“Qəza səbəbindən dayanacaq zədələnmişdi. Hazırda isə bir sütun tamamilə yerindən çıxıb və hər an aşa bilər. Magistral yol olduğu üçün avtomobillər yüksək sürətlə hərəkət edir, yolun kənarında dayanmaq isə daha da təhlükəli olur.”
