Magistraturaya sənəd qəbulu başa çatıb.
Sumqayit24.az xəbər verir ki, bu barədə Dövlət İmtahan Mərkəzi (DİM) məlumat yayıb.
Məlumata görə, imtahanda iştirak üçün 21.924 bakalavrın ərizəsi təsdiqlənib. Ərizəsi təsdiqlənənlərdən 20 min 57 nəfər Azərbaycan bölməsi, 1867 nəfər isə rus bölməsi üzrə olan şəxslərdir.
Qeyd edək ki, magistratura səviyyəsinə qəbul imtahanının birinci cəhdi fevralın 16-da keçiriləcək. Bu imtahanda iştirak etmək üçün bakalavrların qeydiyyatı 13 – 27 yanvar tarixləri müəyyən edilib.
