Bu gündən məhkumluq haqqında arayışın alınması prosesi tam rəqəmsal formada “mygov” platforması üzərindən həyata keçirilir.
Sumqayit24.az xəbər verir ki, bu barədə Rəqəmsal İnkişaf və Nəqliyyat Nazirliyi yanında İnnovasiya və Rəqəmsal İnkişaf Agentliyi məlumat yayıb.
Məlumata görə, məhkumluq haqqında arayışı əldə etmək üçün vətəndaş “mygov”a giriş edərək “Xidmətlər” bölməsindən "Məhkumluq haqqında arayış" xidmətinə daxil olur. Arayışın hansı məqsədlə tələb olunduğunu bildirmək üçün "İş yeri" və ya “digər” variantlarından birini seçir.
İş yeri seçildiyi halda vətəndaş əldə etdiyi arayışı fiziki formada quruma təqdim etmək məcburiyyətində qalmır, arayış hazır olan zaman onun nüsxəsi ƏMAS sisteminə rəqəmsal qaydada ötürülür. Arayışın göndəriləcəyi qurumu iki üsulla axtarmaq mümkündür:
Yaxın günlərdə “mygov”un yenilənmiş versiyasında vətəndaş, müraciət təsdiqləndikdən sonra arayışın hazır olduğu barədə bildiriş ala biləcək. Arayışı həmçinin, PDF formatında “Şəxsi məlumatlarım” bölməsindən yükləmək mümkündür.
Vətəndaşlar, “Xidmətin tarixçəsi” bölməsindən bütün müraciətlərinin siyahısını izləyə bilər. Müraciət cavablandırılana qədər vətəndaş tərəfindən yeni müraciət göndərilə bilməz, müraciət tamamlandıqdan sonra yenidən müraciət etmək mümkündür.
