Sumqayıt şəhər N.Tusi adına 12 nömrəli tam orta məktəbdə “Narkotiklərə yox de“ adlı maarifləndirici xarakterli görüş keçirilib. Sumqayıt24 bu barədə 2 dekabr tarixində tibb mərkəzinə istinadən xəbər verir.
Tədbir şəhər Polis İdarəsi, Sumqayıt Tibb Mərkəzi, şəhər Gənclər və İdman Baş İdarəsinin birgə təşkilatçılıgi ilə baş tutub. Çıxışlarda narkomaniyaya qarşı mübarizənin əsas məqsədinin sağlam mühit və sağlam gələcək olduğu vurğulanıb.
Narkotiklərin insan orqanizminə məhvedici təsiri, törətdiyi sosial bəlalar, həmçinin narkomanlığın cəmiyyətə və insanların sağlamlığına ziyanı barədə hazırlanmış sosial videoçarx nümayiş edilib.
Sonda iştirakçılarla fikir mübadiləsi aparılıb, gəncləri maraqlandıran suallar cavablandırılıb.
