Masazır qəsəbəsində baş verən uçqunda xəsarət alanlar Sumqayıta gətirilib.
Hadisə tikinti işləri aparılan fərdi evdə qeydə alınıb. Xilasedicilər tərəfindən 30 yaşlı Camal Rəsulovun meyiti dağıntı altından çıxarılıb.
Apa.az-ın məlumatına görə, yaralanan iki kişi isə Sumqayıt Tibb Mərkəzinin Təcili Tibbi Yardım Xəstəxanasına hospitalizasiya olunub.
Sağ baldır nahiyəsinin əziyi diaqnozu təyin edilən 40 yaşlı şəxsə Təcili yardım şöbəsində zəruri tibbi yardımlar göstərilib və vəziyyəti kafi qiymətləndirilərək ambulator müalicə üçün evə buraxılıb.
Döş qəfəsinin və bel-oma nahiyəsinin əziyi diaqnozları təyin edilən 27 yaşlı şəxs isə Reanimasiya şöbəsinə yerləşdirilib. Vəziyyəti orta ağır qiymətləndirilir.
