Aparıcı-müğənni Murad Arif dərs saatlarının və dərs yükünün çoxluğundan şikayətlənib.
Sumqayıt24 xəbər verir ki, sumqayıtlı sənətkar bu barədə sosial şəbəkədə yazıb:
"Populist vətəndaş məktəblərdə gündə 8 dərs keçilməsini Çin və Koreya ilə müqayisə edir. 7-ci sinifdə 8 dərs? Mənim uşağım rəssamlığa yönəlirsə, niyə Fizika və Cəbrlə yüklənməlidir? Normativ niyə bu qədər ağır olub?
Necə oldu ki, 3-cü, 4-cü və 5-ci sinifdə oxuyan uşaqları hazırlığa aparmaq ehtiyacı üzə çıxdı? Necə oldu ki, 3-cü sinifdə oxuyan və çəkisi 25 kilo uşağın məktəb çantası 10 kilo təşkil etdi? Necə oldu ki, bizim nəslin 8-ci sinifdə bildiyini indiki uşaqlar 3-cü, 4-cü sinifdə əzbərləməli olurlar? Necə oldu ki, bir sinifdə 45-50 uşaq təhsil alır?"
