Dünyaca məşhur futbolçu şəhidimizin ailəsini ziyarət edib.
Sumqayit24.az xəbər verir ki, söhbət Almaniya yığması ilə Dünya çempionu olan türk əsilli Mesut Özildən gedir. “Real Madrid”in əfsanələrindən sayılan Mesut Azərbaycana gəlib. O, səfəri çərçivəsində Vətən müharibəsi şəhidi, ölkəmizin qəhrəman oğulu Elgün Quliyevin evində olub. Onun valideynləri ilə həmsöhbət olub.
Qeyd edək ki, Elgün Quliyev Sumqayıt Dövlət Universitetinin (SDU) Tarix fakültəsinin (Tarix müəllimliyi ixtisası) məzunu olub.
O, 29 sentyabr 2020-ci ildə könüllü olaraq Vətənin müdafiəsinə yollanıb. Noyabrın 9-da-müharibənin sonuncu günündə Şuşada şəhid olub.
Ölümündən sonra “Vətən uğrunda”, “Döyüşdə fərqlənməyə görə”, “Şuşanın azad olunmasına görə”, “Füzulinin azad olunmasına görə” medalları və 3-cü dərəcəli “Vətənə xidmətə görə” ordeni ilə təltif edilib.
