Milli Hidrometeorologiya Xidməti və Sumqayıt Dövlət Universiteti (SDU) arasında Əməkdaşlıq Memorandumunun imzalanması tədbiri keçirilib.
Sumqayit24.az xəbər verir ki, tədbirdə Milli Hidrometeorologiya Xidmətinin rəisi Nazim Mahmudov tərəfindən Xidmətin inkişaf mərhələləri və fəaliyyət istiqamətləri haqqında iştirakçılara ətraflı məlumat təqdim edilib.
Görüş zamanı SDU-nun rektoru dosent Rüfət Əzizov tərəfindən hidrometeorologiya və iqlim dəyişmələri sahələri üzrə gələcəkdə birgə layihələrin icra olunması, əməkdaşlıq və araşdırma işlərinin aparılmasının vacibliyi vurğulanıb.
Memorandumun imzalanmasında əsas məqsəd qurumlararası əməkdaşlığın gücləndirilməsi, gələcəkdə birgə təlim və seminarların keçirilməsi, SDU-da müvafiq ixtisaslar üzrə təhsil alan tələbələrin istehsalat təcrübəsinin Xidmətdə keçirilməsi və digər məsələlərdən ibarət olub.
