Qış fəslində günəş gec çıxır, şəhər hələ yuxudan oyanmasa da, minlərlə sumqayıtlı Bakıya işə və dərsə yolu düşür. Səhərin alaqaranlığında hərəkət edən sürücüləri isə bir sual düşündürür: niyə yol qaranlıqdır?
Bakı–Sumqayıt avtomobil yolunda işıq dirəkləri mövcuddur. Amma paradoks ondadır ki, ən çox ehtiyac olan səhər saatlarında bu işıqlar yanmır. Nəticədə sürücülər zəif görünüş şəraitində hərəkət etməyə, qəza riski ilə üz-üzə qalmağa məcbur olurlar.
Xüsusilə pik saatlarda avtomobillərin çoxluğu, piyada və ictimai nəqliyyatın hərəkəti qaranlıq fonunda təhlükəni daha da artırır. Halbuki problemin həlli sadədir: mövcud işıqlandırmanı vaxtında qoşub-söndürmək.
