Sumqayıtda şəhid Aydın Əliyevin ailəsi ziyarət edilib. Sumqayıt24 bu haqda Regional Mədəniyyət İdarəsinə istinadən xəbər verir.
Qubadlı şəhər Ə. Mehdiyev adına uşaq musiqi məktəbinin kollektivi şəhidimizin məzarını ziyarət edib. Daha sonra onun evinə gedərək ailə üzvlərinin qayğıları ilə maraqlanıblar.
Qeyd edək ki, Aydın Əliyev 9 yanvar 1991-ci ildə Sumqayıt şəhərində dünyaya gəlib. Vətən müharibəsi zamanı Cəbrayıl, Füzuli və Xocavəndin azadlığı uğrunda vuruşub. Füzuli döyüşlərində yaralanan qəhrəmanımız 21 gün komada qaldıqdan sonra noyabrın 28-də şəhid olub. Prezident İlham Əliyevin sərəncamı ilə "Füzulinin azad olunmasına görə", "Cəbrayılın azad olunmasına görə", "Xocavəndin azad olunmasına görə" və "Vətən uğrunda" medalları ilə təltif edilib.
