Saray qəsəbəsində yerləşən “Mor-Mor” restoranında insident baş verib.
Qafqazinfo-nun məlumatına görə, müştərilərdən biri, 38 yaşlı İ.Həsənov (şərti) dava-dalaş salıb. O, restoranın qab-qacaqlarını sındırıb, ünvansız söyüşlər işlədərək iaşə obyektinin iş rejimini pozub. Həmçinin hadisə yerinə gələn polis əməkdaşlarına tabesizlik göstərib.
Saxlanılan şəxs polis şöbəsinə aparılıb və barəsində inzibati xətaya dair protokol tərtib edilib.
Abşeron Rayon Məhkəməsinin qərarı ilə İ. Həsənova 8 sutka inzibati həbs cəzası verilib.
Qeyd edək ki, hadisənin baş verdiyi restoran tanınmış meyxanaçı Namiq Mənaya məxsusdur.
