Hazırda metadonla əvəzedici müalicə proqramı üzrə 866 xəstə müalicə alır. Onların 149 nəfəri Sumqayıt Narkoloji Mərkəzinə üz tutub.
Sumqayit24.az xəbər verir ki, bu barədə narkomanlığa və narkotik vasitələrin, psixotrop maddələrin və onların prekursorlarının qanunsuz dövriyyəsinə qarşı mübarizənin nəticələri Dövlət Komissiyasının daimi fəaliyyət göstərən İşçi Qrupunun məlumatında deyilir.
Bildirilib ki, narkotik vasitələrdən həddən artıq doza nəticəsində yanvar-sentyabr aylarında 4-ü qadın və 68-i kişi olmaqla ümumilikdə 72 nəfər vəfat edib. Onlardan 17-20 yaşadək 1, 25-29 yaşadək 10, 30-40 yaşadək 28, 41-50 yaşadək 19, 50-52 yaşadək 7, 55-65 yaşadək isə 7 nəfər təşkil edir.
Ötən illə müqayisədə ölənlərin sayı 90 nəfər azalıb.
