Sumqayıtda Nəsimi adına Mədəniyyət və İstirahət parkında aparılan tikinti işləri vətəndaşların ciddi narazılığına səbəb olub
Sumqayit24.az-a müraciət edən vətəndaşların sözlərinə görə, ərazidə qurulan hasarlar insanların gündəlik istifadə etdiyi yolları bağlayıb.
Bundan əlavə, sakinlər bildirirlər ki, tikinti işləri ilə bağlı ərazidə heç bir rəsmi məlumat lövhəsi yerləşdirilməyib.
"Şəhərdə boş yer qalmayıb, hər tərəf obyektə çevrilib. Belə vəziyyət Sumqayıtın estetik görünüşünə zərər vurur", - deyə şikayətçi vurğulayıb.
Sakinlər aidiyyəti qurumlardan əraziyə baxış keçirilməsini və məsələnin araşdırılmasını tələb edirlər.
Qeyd edək ki, redaksiyamız tərəfindən aidiyyəti quruma sorğu ünvanlanıb.
