Dövlət Gömrük Komitəsinin leytenantı sərxoş halda Novxanı qəsəbəsində qəza törədib. Xəsarət alan var. Sumqayıt24 bu haqda APA-ya istinadən xəbər verir.
Məlumata əsasən, 35 yaşlı Samir Vəliyev “KİA Optima” markalı avtomobili ilə yolun əks istiqamətinə çıxaraq ötmə əməliyyatını yerinə yetirərkən “KİA Rio” markalı avtomobil ilə toqquşub. Zərbə nəticəsində Vəliyevin maşını yol nişanına, sonra isə işıq dirəyinə çırpılıb.
Qəza zamanı, “Rio” markalı avtomobildə olan 27 yaşlı Nuranə Qasımova isə ağır xəsarətlər aldığı üçün xəstəxanaya yerləşdirilib.
Qeyd edək ki, Beynəlxalq Hava Limanında çalışan Vəliyevin avtomobili ağır dərəcəli sərxoşluq halında sürdüyü məlum olub.
