Bu ilin yanvar-noyabr aylarında Azərbaycanda bütün ulduz təsnifatları üzrə hotellərdə onlayn bronlaşdırma sistemi olan booking.com vasitəsilə bir gecə qalmaq üçün orta qiymət 154,7 manat təşkil edib.
Report-un məlumatına görə, bu, ötən ilin eyni dövrü ilə müqayisədə 24% çoxdur.
Təkcə noyabr ayında booking.com-da ölkə hotellərində bir gecə qalmaq üçün orta qiymət 406,2 manat olub ki, bu da bir il əvvələ nisbətən 4 dəfə çoxdur.
Müqayisə üçün, İstanbul hotellərində yanvar-noyabr aylarında orta qiymət 164,3 manat təşkil edib və bu, ötən ilin eyni dövrü ilə müqayisədə 8% azdır.
Gürcüstanda isə yanvar-noyabr aylarında hotellərdə bir gecə qalmaq üçün orta qiymət 132,3 manat olub (-10,2%).
