Sumqayıt şəhər Heydər Əliyev Mərkəzində “Onlar Bir İncidir” adlı layihəsinin növbəti buraxılışı təşkil olunub. Bu haqda 22 iyun tarixində Sumqayıt24 Mədəniyyət Xəbərlərinə istinadən məlumat verir.
“Dostluq” Mədəniyyət evinin hazırladığı buraxılış tamaşaçılara təqdim olunub. Layihənin bu dəfəki qonağı əməkdar mədəniyyət işçisi, “Tərəqqi” medallı şair Əşrəf Veysəlli olub.
Əvvəlcə tədbirin aparıcısı Əminəxatun Tərlan səbəbkarı tamaşaçıların alqışları ilə səhnəyə dəvət edib, şairi və qonaqları salamladıqdan sonra sözü Sumqayıt Regional Mədəniyyət İdarəsinin rəisi Rəşad Əliyevə verib. İdarə rəisi qonaqları salamlayıb, şairə xoş arzularını bildirərək ona yaradıcılıq uğurları arzulayıb və hədiyyələrini təqdim edib.
Sonda şairin yaradıcılığı haqqında söhbətlər aparılıb, şeirləri dinlənilib.
