Sumqayıtda qəsdən sağlamlığa ağır zərər vurmada təqsirləndirilən Hüseyn Hüseynovun (soyadı şərtidir) barəsindəki hökmdən verilən apellyasiya şikayəti üzrə məhkəmə iclası başa çatıb.
Pravda.az-ın məlumatına görə, Sumqayıt Apellyasiya Məhkəməsində hakim Elman Əhmədovun sədrliyi ilə keçirilən prosesdə qərar elan olunub. Qərara əsasən, şikayət təmin edilməyib.
Qeyd edək ki, məhkəməsinin hökmü ilə o, 3 il 6 ay müddətinə azadlıqdan məhrumetmə cəzasına məhkum edilib.
21 yaşlı Hüseyn Hüseynov istirahət zamanı parkada bir neçə qızla gəzişməsinə zərərçəkmiş Qafar Əsədov etiraz edib. Bu səbəbdən onlar arasında şəxsi münasibətlər zəminində mübahisə yaranıb. Sonra o, üzərində gəzdirdiyi bıçaqla qəsdən zərərçəkmiş şəxsin sol qolundan bir dəfə vuraraq ona xəsarət yetirib. Hadisədən sonra Hüseyn Hüseynov saxlanılaraq istintaqa cəlb edilib.
