Xəbər verdiyimiz kimi, Sumqayıt şəhər 13-cü mikrorayon bina 19-da baş verən partlayış zamanı xəsarət alan 1977-ci il təvəllüdlü Ramin Əliyev ölüb.
Başın, boyunun, gövdənin hər iki yuxarı və aşağı ətrafın I-II-III A dərəcəli termiki yanığı (60-65%), yanıq şoku III dərəcə diaqnozları təyin edilən 2007-ci il təvəllüdlü (kişi cinsli) şəxsin Reanimasiya şöbəsində müalicəsi davam etdirilir.
Tibbi personal tərəfindən bütün zəruri tibbi yardımlar göstərilir, vəziyyəti ağır olaraq qalır.
Qeyd edək ki, Reanimasiya şöbəsində müalicəsi davam etdirilən başın, boyunun, gövdənin hər iki yuxarı və aşağı ətrafın I-II-III A dərəcəli termiki yanığı (70-75%), döş qəfəsinin sağ yarısının küt travması, sağtərəfli pnevmatoraks, yanıq şoku III dərəcə diaqnozları təyin edilən 1977-ci il təvəllüdlü (kişi cinsli) şəxsin isə həkimlərin səylərinə baxmayaraq, ölüm faktı qeydə alınıb
***
Saat 21:41
Sumqayıtda baş verən partlayışda yaralanan kişi ölüb.
Sumqayit24.az-ın məlumatına görə, 3 dekabr tarixində 13-cü mikrorayon bina 19-da baş verən partlayış zamanı xəsarət alan 47 yaşlı Ramin Əliyev vəfat edib.
Onun oğlu, 17 yaşlı Ayxan və qızı, 14 yaşlı Familənin müalicəsi davam etdirilir.
