Yenilənib saat: 15:11
TƏBİB-dən Sumqayit24.az-a verilən məlumata görə, Mərkəzi Neftçilər Xəstəxanasının Reanimasiya şöbəsində müalicə alan Həşimov Qasım Murtuz oğlunun 08.01.2025-ci il tarixində saat 12:55-də ölüm faktı qeydə alınıb:
“Pasiyentin ölümünün ilkin səbəbi kimi poliorqan çatışmazlığı qeyd olunur. Göstərilən bütün zəruri tibbi müdaxilələrə baxmayaraq, onun həyatını xilas etmək mümkün olmayıb.
Qeyd edək ki, Q.Həşimov 3 dekabr 2024-cü il tarixində bədən səthinin 55%-ni əhatə edən II və III dərəcəli yanıq xəsarətləri ilə ağır vəziyyətdə Mərkəzi Neftçilər Xəstəxanasının Reanimasiya şöbəsinə daxil olub”.
***
Saat: 14:45
Mərhum şahmatçı Vüqar Həşimovun atası vəfat edib.
Sumqayit24.az xəbər verir ki, Novxanıdakı partlayışda xəsarət alan Qasım Həşimov bu gün müalicə aldığı xəstəxanada dünyasını dəyişib.
Qeyd edək ki, partlayış ötən ilin dekabrın 3-də Qasım Həşimov və həyat yoldaşı Aida Həşimovanın yaşadıqları evdə baş verib. Hər iki şəxs xəsarətlər alıb.
