Sumqayıt Perinatal Mərkəz yeni tibbi avadanlıqlarla təchiz edilib. Bu haqda Sumqayıt24 xəbər verir.
TƏBİB-nin dəstəyi ilə Neonatal reanimasiya və intensiv terapiya şöbəsi vaxtından əvvəl doğulmuşlar üçün yeni reanimasiya zalı, müasir küvəzlər, çoxfunksiyalı monitorlar, infuzomatlarla təmin olunub.
Həmçinin tibb ocağında 8 reanimasiya çarpayısı artırılıb (panel vasitəsi ilə hava oksigen vakuum nöqtəsi olmaqla). 2 reanimasiya masası və Neopuff -T- Parçalı canlandırıcı cihazı da yeni avadanlıqlar sırasındadır. Bundan sonra eyni vaxtda 20 körpəyə xidmət etmək mümkün olacaq.
Əlavə olaraq, Qadın sağlamlıq kabineti kolposkop, ROP müayinəsi uçün indirekt oftolmoskop və KTQ aparatları, 3D və 4D USM avadanlıqları ilə təmin edilib.v
