Sumqayıt sakini polisə yalan məlumat verdiyi üçün saxlanılıb. Sumqayıt24 bu haqda 22 aprel tarixində Qafqazinfo.az-a istinadən xəbər verir.
32 yaşlı Aqil Vəliyev (şərti) Daxili İşlər Nazirliyinə (DİN) zəng edərək “20 Yanvar” metro stansiyasında partlayış olduğunu deyib. Polis əməkdaşları onu bölməyə dəvət ediblər. Lakin Aqil imtina edib. Bundan sonra polis vətəndaşı məcburi avtopatrula əyləşdirərək Sumqayıtda 4-cü Polis Bölməsinə aparıb. Müayinə zamanı onun orta dərəcəli sərxoş olduğu məlum olub.
İnzibati Xətalar Məcəlləsinin 535.1-ci maddəsi ilə protokol tərtib olunub. Sumqayıt Şəhər Məhkəməsi protokolu əsaslı hesab edib. Aqil Vəliyevə 30 gün müddətinə həbs cəzası kəsilib.
