Əmək və Əhalinin Sosial Müdafiəsi Nazirliyi postmüharibə dövründə 106 min şəhid ailələri üzvləri və veteranlara 119 min aylıq sosial ödəniş, 24 min şəxsə birdəfəlik ödəməni təyin edib.
Sumqayit24.az xəbər verir ki, bu barədə qurum məlumat yayıb. Qeyd olunub ki, həmin müddətdə şəhid ailələri, müharibə ilə əlaqədar əlilliyi olan şəxslərin mənzillə təminatı proqramı 5 dəfə genişlənib, onlara 6200 mənzil və fərdi ev, həmçinin 528 avtomobil təqdim edilib.
Eyni zamanda şəhid ailələri üzvləri və müharibə iştirakçıları olan 11 min şəxsə 67 min sosial-psixoloji dəstək və reabilitasiya xidməti göstərilib, müharibə ilə əlaqədar əlilliyi olan 2204 şəxs 60 min reabilitasiya vasitəsi, o cümlədən 488 şəxs 594 ədəd yüksək texnologiyalı müasir protezlə təmin olunub.
23,2 min şəhid ailələri üzvləri və müharibə iştirakçılarının məşğulluğu təmin edilib, o cümlədən 11,2 min şəxs özünüməşğulluq proqramına cəlb olunub.
Ümumilikdə postmüharibə dövründə qeyd olunan sosial dəstək paketi 130 min şəxsi əhatə edərək, onlara dəstək yönümlü 358 min xidmət göstərilib.
