Bu gün Azərbaycan Respublikası Prezidenti İlham Əliyevin doğum günüdür.
İlham Əliyev 24 dekabr 1961-ci ildə Bakıda anadan olub. İlk təhsilini Bakıda alıb, 1977-ci ildə Moskva Dövlət Beynəlxalq Əlaqələr İnstitutunda oxumağa başlayıb. Sonra həmin institutun aspiranturasına daxil olub və 1985-ci ildə oranı bitirib.
İlham Əliyev 1994-2003-cü illərdə SOCAR-nin vitse-prezidenti, sonra isə birinci vitse-prezidenti vəzifəsində çalışıb. 1995-ci və 2000-ci illərdə o, Milli Məclisə üzv seçilib, 2001-2003-cü illərdə Avropa Şurası Parlament Assambleyasında Azərbaycan nümayəndə heyətinin rəhbəri olub. 2003-cü ildə Baş Nazir vəzifəsinə təyin edililb.
15 oktyabr 2003-cü ildə İlham Əliyev xalq tərəfindən Azərbaycan Respublikasının Prezidenti seçilib. O, 2008, 2013, 2018 və 2024-cü illərdə baş tutan seçkilərdə yenidən qələbə qazanıb.
2024-cü il Azərbaycanda növbədənkənar prezident seçkiləri zamanı Yeni Azərbaycan Partiyasının namizədi olaraq İlham Əliyev 92,12% səs toplayaraq 5-ci dəfə və 7 il müddətinə prezident seçilib.
İlham Əliyevin ölkəyə rəhbərliyi dövründə Azərbaycanın hərbi, iqtisadi və siyasi gücü mühüm dərəcədə artıb. 2020-ci ildə qazanılan şanlı qələbə və Qarabağın işğaldan azad olunması bunun bariz nümunəsidir.
Sumqayit24.az kollektivi adından Cənab Prezident İlham Əliyevi doğum günü münasibətilə təbrik edirik!
