Bu gün Azərbaycan Respublikasının Prezidenti İlham Əliyevin doğum günüdür.
İlham Heydər oğlu Əliyev 24 dekabr 1961-ci ildə Bakı şəhərində anadan olub. İlk təhsilini Bakıda aldıqdan sonra, 1977-ci ildə Moskva Dövlət Beynəlxalq Münasibətlər İnstitutuna daxil olub. 1982-ci ildə həmin təhsil müəssisəsinin aspiranturasında oxuyub, daha sonra isə orada müəllim kimi fəaliyyət göstərib.
İlham Əliyev 1994-2003-cü illərdə Azərbaycan Respublikası Dövlət Neft Şirkətinin vitse-prezidenti, sonra isə birinci vitse-prezidenti olub. O, 4 avqust 2003-cü ildə Azərbaycan Respublikasının Baş naziri təyin olunub. İlham Əliyev 2003, 2008, 2013, 2018 və 2024-cü illərdə Azərbaycan Respublikasının Prezidenti seçilib.
Azərbaycan Respublikasının Prezidenti, Silahlı Qüvvələrin Ali Baş Komandanı İlham Əliyevin uğurlu siyasəti nəticəsində 2020-ci ildə baş verən Vətən müharibəsində Azərbaycan qələbə qazana bildi. Nəticədə Azərbaycan ordusu işğalda olan torpaqlarımızı cəmi 44 gün ərzində azad etmiş və düşmən təslim olmağa məcbur olmuşdur.
