Mingəçevir Dövlət Universitetinə yeni rektor təyin edilib.
Sumqayit24.az xəbər verir ki, bu barədə Prezident İlham Əliyev sərəncam imzalayıb. Sərəncama əsasən, bu vəzifə Anar Eminova həvalə olunub.
Bizim.Media.az-ın məlumatına görə, A. Eminov 1982-ci ildə Sumqayıt şəhərində anadan olub. O, 1992-1999-cu illərdə Sumqayıt şəhər Texniki və Təbiət Elmləri Liseyində təhsil alıb. 1999-2003-cü illərdə Azərbaycan Dövlət İqtisad Universitetini beynəlxalq ticarət ixtisası üzrə fəxri fərmanla bitirib.
O, 2023-cü ildə əvvəlcə Azərbaycan Texniki Universitetinin (AzTU) Tədqiqat və İnkişaf şöbəsinin müdiri, daha sonra Yüksək Təhsil İnstitutunun direktoru vəzifəsinə təyin olunub. 200-ə yaxın elmi məqalə, 5 dərs vəsaiti və 1 monoqrafiyanın müəllifidir.
