Sumqayıt şəhərində yol problemi ilə bağlı şikayətlər artmaqda davam edir.
Sumqayit24.az-a müraciət edən sakinlərin sözlərinə görə, 10-cu mikrorayon ərazisində yerləşən Koroğlu küçəsində yollar illərdir baxımsız vəziyyətdədir.
Fotolardan da aydın görünür ki, yolun asfalt örtüyü dağılıb. Məlumata görə, bu vəziyyət həm nəqliyyat vasitələrinin, həm də piyadaların hərəkətində ciddi çətinliklər yaradır.
"10 ildən artıqdır ki, Koroğlu küçəsində yol bərbad vəziyyətdədir, asfalt örtüyü yenilənmir ki yenilənmir", – deyə şikayətçi bildirib.
