Sumqayıtda fəaliyyət göstərən sərnişin avtobusları ilə bağlı şikayətlər davam etməkdədir.
Sumqayit24.az-a daxil olan məlumata görə, 7 nömrəli sərnişin avtobusu növbəti dəfə yol hərəkəti qaydalarını pozub.
Videodan da aydın görünür ki, sözügedən avtobus qırmızı işıqda dayanmadan hərəkətini davam etdirir. Bu hal isə digər sürücülər arasında çaşqınlıq yaradıb.
Vətəndaşlar aidiyyəti qurumlardan 7 nömrəli marşrut xəttinə nəzarətin gücləndirilməsini tələb edirlər.
Onu da əlavə edək ki, 7 nömrəli sərnişin avtobuslarının bəzi sürücüləri tez-tez qaydaları pozurlar.
Xatırladaq ki, redaksiyamız tərəfindən 20 aprel tarixində adıçəkilən avtobusun yolda qaydaları pozaraq "protiv" hərəkət etdiyi ilə bağlı şikayət işıqlandırılıb.
