Aktau yaxınlığında qəzaya uğrayan təyyarədən sağ çıxan 48 yaşlı sərnişin baş verənlər haqqında danışıb.
Bu barədə Sumqayit24.az Qazaxıstan mediasına istinadən məlumat verir.
Sübhanqul adlı şəxsin sözlərinə görə, təyyarə bir neçə dəfə eniş etməyə cəhd etsə də, buna nail olmayıb: “Sərnişinlər yüksək səs eşidiblər və bundan sonra təyyarə dövrə vurmağa başlayıb”.
“Pilotların həyata keçirdikləri manevrlərlə bizi xilas etdi. Allah onlara rəhmət eləsin. Onlar olmasaydı, hamımız ölərdik”, – deyə Sübhanqul bildirib.
Kişi əlavə edib ki, yanında olanların hamısı sağ qalıb, lakin çoxlu sərnişinlər yaralanıb, ağrıdan inildəyib, kömək istəyiblər.
Xatırladaq ki, Azərbaycan Hava Yolları” aviaşirkətinə məxsus J2-8243 nömrəli Bakı-Qroznı reysini yerinə yetirən “Embraer 190” təyyarəsi bu gün Aktau şəhəri yaxınlığında qəzaya uğrayıb.
