Sumqayıt şəhər 4 nömrəli xəstəxana təmirsiz və bərbad vəziyyətdədir.
Sumqayit24.az-a bu barədə tibb ocağında müalicə alana Vətən müharibəsi qaziləri şikayət ediblər. Onların sözlərinə görə, “Bərpa” kimi tanınan xəstəxananın binası uzun illərdir ki, təmir olunmur:
“Hazırda bir neçə qazi nevrologiya şöbəsində müalicə alırıq. Həkim və digər tibbi personaldan çox razıyıq, işlərinə söz ola bilməz. Amma eyni şeyi palatalar və xəstəxananın vəziyyəti barədə söyləmək olmur. Palatalar və dəhlizlər demək olar ki, dağılıb-tökülür. Hətta bəzi yerləri pas basıb. Divarlar, döşəmə bərbad vəziyyətdədir.
Xahiş edirik, müalicə aldığımız tibb müəssisəsi təmir olunsun”.
