Ötən həftə Bakı–Quba magistral yolunun Yaşma bağları ərazisindən keçən hissəsində ağır yol-nəqliyyat hadisəsi baş verib. Qəza zamanı sürücülərdən biri – 1972-ci il təvəllüdlü Bədəlov Sabir Mahmud oğlu ağır xəsarətlər alıb.
Sumqayit24.az-ın əldə etdiyi məlumata görə, yaralı dərhal Bakıda yerləşən klinikalardan birinə çatdırılaraq reanimasiya şöbəsinə yerləşdirilib. Həkimlərin göstərdiyi tibbi yardıma baxmayaraq, Sabir Bədəlovun həyatını xilas etmək mümkün olmayıb. O, bu gün, yəni 8 dekabr tarixində xəstəxanada dünyasını dəyişib.
Hadisə ilə bağlı araşdırma aparılır
