Uşaqlar şəhidimizi anıblar.
Bu gün şəhid Kənan Əhmədovun anım günüdür. Sumqayit24.az-a daxil olan məlumata görə, Qubadlı rayon Bərxudar Əsgərov adına Xələc kənd tam orta məktəbinin 3b sinfinin rəhbəri Aynurə Hüseynova və şagirdləri Əhmədovun Sumqayıt Şəhidlər xiyabanındakı məzarına baş çəkiblər.
Qeyd edək ki, Kənan Əhmədov Vətən müharibəsi zamanı Füzuli və Cəbrayıl rayonları istiqamətində gedən döyüşlərdə şücaət göstərib. O, burada gedən ağır savaşların birində şəhidlik zirvəsinə ucalıb.
Kənan ölümündən sonra “Döyüşdə fərqlənməyə görə”, “Vətən uğrunda” və “Füzulinin azad olunmasına görə” medallarına layiq görülüb.
