Sumqayıtda qurbanlıq heyvanların satışı və kəsimi məntəqələri fəaliyyət göstərəcək. Bu haqda 22 iyun tarixində Sumqayıt24 Report.az-a istinadən məlumat verir.
Quban bayramı günlərində vətəndaşlar saat 08:00-dan 20:00-dək İnşaatçılar küçəsi, 61A və Çerkassı küçəsi, 46-cı məhəllədə yerləşən kəsim-satış məntəqələrinə müraciət edə bilərlər. Sakinlər burada qurbanlıq heyvanları satmaq, almaq və ya kəsdirmək üçün xidmətlərdən yararlana bilərlər.
Qeyd edək ki, ölkə üzrə qurbanlıq heyvanların satışı və kəsimi yerləri barədə məlumatları www.qurbanliq.kesimsatish.az linkinə daxil olmaqla əldə etmək mümkündür.
