Sumqayıt şəhərində meyit aşkarlanıb.Sumqayit24.az xəbər verir ki, hadisə Qurd dərəsi yaşayış bağları massivində qeydə alınıb. Belə ki, 66 yaşlı Cabir Abdullayevin cansız bədəni onun yaşadığı fərdi evdə tapılıb. Kişinin bir neçə gün əvvəl vəfat etdiyi bildirilir.Meyiti tapan qonşular dərhal hüquq-mühafizə orqanlarına məlumat veriblər. Hadisə yerinə aidiyyəti qurumların əməkdaşları cəlb olunublar.Faktla bağlı Sumqayıt Şəhər Prokurorluğunda araşdırma aparılır. Ölümün dəqiq səbəbləri müvafiq ekspertizanın nəticələrindən sonra məlum olacaq.
