Rafael Ağayevin adından istifadə edərək insanları aldatmağa çalışırlar.
Sumqayit24.az xəbər verir ki, naməlum şəxslər Feysbuk sosial şəbəkəsində əfsanəvi karateçinin fotosunu paylaşıb və üzərinə onun adından vətəndaşlara səslənərək yazırlar:
“TƏCİLİ!!! Rafael Ağayev uğurunun sirrini açıqladı: “Mən istəyirəm ki, Azərbaycan xalqı buna qulaq assın və yoxsulluğa son qoyulsun”.
Redaksiyamızın əməkdaşı məsələni aydınlaşdırmaq üçün R.Ağayevlə əlaqə saxlayıb. Sumqayıtlı karate ustası paylaşımın ona məxsus olmadığını təsdiqləyib:
“Bunu edən şəxslər adımdan istifadə edirlər. Mən heç aktiv Feysbuk istifadəçisi deyiləm. Çox yerdə adımdan istifadə edərək pul, kontur və digər şeylər istəyirlər.
Azərbaycanlıları dələduzlara aldanmamağa çağırıram”.
Foto Sumqayit24.az
