Sumqayıtda ulu öndər Heydər Əliyevin anım günü ilə əlaqədar tədbir keçirilib. Sumqayıt24 bu haqda 8 dekabr tarixində DünyaTV-yə istinadən xəbər verir.
Tədbir Texniki və Təbiət Elmləri Liseyinin Azərbaycan dili və ədəbiyyat müəllimi Günay Qocayevanın təşəbbüsü ilə Heydər Əliyev Mərkəzində təşkil olunub. Çıxış edən liseyin direktor müavini Ətrabə Tağıyeva bu günün əhəmiyyətindən danışıb. Abşeron-Xızı Regional Təhsil İdərəsinin metokabinetinin müdiri Gülbahar Haqverdiyeva, mərkəzin direktoru Vüsalə Qurbanova, müəllim Günay Qocayeva və digər çıxış edənlər ulu öndərin həyatından danışıblar.
Sonra 5, 7 və 8-ci sinif şagirdləri Heydər Əliyevdən sitatlar gətirib, şeirlər söyləyiblər. Həmçinin 3-cü sinif şagirdləri xor ifa ediblər.
