Sumqayıt sakini Ucar rayonunda yol qəzasına düşüb.
“Report”un məlumatına görə, hadisə Ucar-Zərdab yolunun rayonun Qarabörk kəndindən keçən hissəsində qeydə alınıb.
Ucar rayon Lək kənd sakini, 30 yaşlı Fərhad Hüseynov "Mercedes" markalı minik avtomobili ilə hərəkətdə olarkən qarşısına çıxan iribuynuzlu heyvanı vurub.
Digər rayon sakini, 30 yaşlı Fərman Abuzərov isə kömək məqsədilə idarə etdiyi "VAZ 2106" markalı minik avtomobilini yol kənarında saxlayıb. Arxadan gələn Qeys Əmirovun idarə etdiyi "BMW" markalı minik avtomobili "VAZ 2106"ya çırpılıb. Zərbənin gücündən "BMW" yoldan çıxaraq aşıb.
Nəticədə Sumqayıt şəhər sakini, 46 yaşlı Vüqar Quliyev müxtəlif dərəcəli bədən xəsarətləri alaraq rayon xəstəxanasına aparılıb.
Faktla bağlı araşdırma aparılır.
