Sumqayıtda Vətən müharibəsi şəhidinin plakatının oğurlanması ilə bağlı rəsmi qurum münasibət bildirib. Sumqayıt24 bu barədə 2 dekabr tarixində xəbər verir.
Sumqayıt şəhər İcra Hakimiyyəti şəhid Rahib Babayevin xatirəsinə quraşdırılmış plakatın yerindən götürülməsi barədə redaksiyamıza açıqlama verib.
“Sumqayıt şəhərində şəhidlərimizin xatirəsi daim əziz tutulur, onların adı əbədiləşdirilir. Burada 1992-ci ildə salınan Şəhidlər xiyabanı 2021-ci ildə əsaslı şəkildə təmir olunub, kompleks yenidənqurma işləri aparılıb. Yenidənqurma işləri çərçivəsində Vətən müharibəsi şəhidlərinin əziz xatirəsinə Qalib Əsgər abidəsi ucaldılıb və “Zəfər ağacı” abidəsi yaradılıb. Şəhərimizdə şəhidimiz Rahib Babayevin də adı əbədiləşdirilib, adına küçə verilib. Qeyd olunan məsələnin araşdırılması məqsədilə Sumqayıt şəhər İcra Hakimiyyəti tərəfindən aidiyyəti qurumlara məlumat verilib”, - deyə qurumdan bildirilib.
