Sumqayıtda marşrut xətti tələbata cavab vermir.
Sumqayit24.az-a xəbər verir ki, 3 nömrəli avtobusların sayı çox azdır. Nəqliyyat vasitələrinin kiçikhəcmli olması və intervalın 1 saata çatması səbəbindən pik saatlarda ciddi sərnişin sıxlığı yaşanır.
Sakinlər deyirlər ki, avtobuslarda ayaqüstə durmağa belə, yer olmur:
“Camaat sürücüyə deyir ki, artıq yer yoxdur, növbəti dayanacaqlarda saxlama. Sürücü bu sözlərə məhəl qoymur. 3 nömrəli avtobus H.Z.Tağıyev qəsəbəsinə, Yaşmaya, şəhərin ətraf bölgələrinə qədər işləyir. O yolda çox sayda zavodlar, fabriklər, iş yerləri, yaşayış massivləri var. Gediş–gəliş çoxdur.
İki aydan sonra qış gəlir. O qədər yolu piyada gəlməli oluruq. Rəhbərlikdən xahişimiz budur ki, xəttə böyük tutumlu əlavə avtobuslar buraxsınlar. Tez-tez 3 nömrəli marşrut avtobusları xarab olub yolda qalır”.
