“Sumqayıt”ın baş məşqçisi Samir Abasov klubun Müşahidə Şurasının sədri, “Azərikimya” İstehsalat Birliyinin baş direktoru Elnur Məmmədli ilə görüşüb.
“Sportinfo”nun məlumatına görə, tərəflər birliyin ofisində bir araya gəlib. Toplantıda “kimyaçılar”ın rəsmilərindən heç kim iştirak etməyib. Görüş 1 saatdan çox çəkib. Bağlı qapılar arxasında hansı məsələlərin müzakirə olunduğu hələlik məlum deyil.
Qeyd edək ki, Elnur Məmmədli ötən ilin dekabr ayından “Sumqayıt” klubunun Müşahidə Şurasının sədri vəzifəsini icra edir.
